Salom, Jonatan!/Mon 2
Monlari - Mon 1 - Mon 2 - Mon 3
Duayum mon (2yum mon)
[edit | edit source]Dua de mesi lima (2 de mesi 5)
[edit | edit source]Fe nunya, ixu sen in tren. Te no sen in Muncen; te sen in tren. Te turi. Te fikir, “Fe nunya, mi turi of Muncen cel Vina. To sen bon turi. Mi suki turi.”
Te fikir tem Muncen. Te fikir, “Fe nunya, mi sen in tren, mas jaledin, mi le sen in Muncen. Ji fe nunya, mi eskri din-kitabu in tren, mas jaledin, mi le eskri din-kitabu in Muncen. Ji fe nunya, mi fikir in tren, mas jaledin, mi le fikir in Muncen. Jaledin, mi fikir tem Muncen in Muncen, ji fe nunya, mi fikir tem Vina in tren. Fe nunya, mi sen in tren, no in Vina. Mas mi fikir ji eskri tem Vina.”
Kam ixu, fe nunya, fikir in Muncen? No, te, fe nunya, no fikir in Muncen. Te fikir in tren. Jaledin, te le fikir in Muncen. Te loga, “Salom, tren!”
Ixu sen in tren, ji te turi cel xaher. Xaher no sen Muncen; Muncen sen xaher de jaledin. Xaher sen Vina; Vina sen xaher fe nundin.
Ixu fikir tem Muncen ji Vina. Te fikir, “Muncen le sen xaher fe jaledin, ji Muncen le sen bon. Fe nunya, to sen nundin, ji mi sen in tren; tren sen bon. Kam Vina xa sen bon?”
Ixu fikir tem Muncen: Muncen le sen xaher de jaledin. Te fikir in tren: te sen in tren de nundin. Ji te fikir tem Vina: Vina xa sen xaher fe jaxadin.
Ji te fikir, “Muncen le sen day. Tren sen day. Kam Vina xa sen day?”
Ji te fikir, “In Muncen, mi le eskri in din-kitabu. In tren, mi eskri in din-kitabu. Kam in Vina, mi xa eskri in din-kitabu? Si, jaxadin in Vina, mi xa eskri in din-kitabu. Mi suki din-kitabu.” Ixu multi fikir (te multi fikir = te fikir ji fikir ji fikir), ji te multi eskri. Si, te sen cinonpul ixu. Cinonpul ixu multi eskri ji multi fikir. Te sen Jonatan; Jonatan sen cinonpul ixu.
Te eskri, “Mi sen Jonatan. Mi sen in tren. Jaledin, mi le estay in Muncen; jaxadin, mi xa estay in Vina.”
Te fikir, ji eskri, “Hin tren…to sen bon, mas lama. To no sen neo; to sen lama. Kam in Muncen, tren sen lama? Si, tren in Muncen sen lama. Mas tren in Muncen sen bon, ji mi suki tren de Muncen. Jaledin, mi le suki tren in Muncen, ji nundin, mi suki tren fe nunya, ji jaxadin, mi xa suki tren in Vina. Mi suki tren!”
Jonatan eskri, “Muncen sen bon xaher ji lama xaher, ji Vina sen bon xaher ji lama xaher. Muncen ji Vina no sen neo, mas sen bon. Muncen ji Vina sen lama, mas bon xaher. Xaher no sen neo, mas bon. Mi suki xaher!”
Jonatan fikir ki duayum din fe turi sen bon. Te loga, “Nundin le sen bon duayum din fe turi. Mi suki turi!”
Gramati
[edit | edit source]ja·le·din, nun·din, ja·xa·din
[edit | edit source]- ja·le·din = un de mesi lima (05-01)
- nun·din = dua de mesi lima (05-02)
- ja·xa·din = tiga de mesi lima (05-03)
le
[edit | edit source]- eskri: nundin, mi eskri; jaledin, mi le eskri
- fikir: nundin, mi fikir; jaledin, mi le fikir
- oko: nundin, mi oko; jaledin, mi le oko
xa
[edit | edit source]- eskri: nundin, mi eskri; jaxadin, mi xa eskri
- fikir: nundin, mi fikir; jaxadin, mi xa fikir
- oko: nundin, mi oko; jaxadin, mi xa oko
sen
[edit | edit source]- eskri: eskri, le eskri, xa eskri
- fikir: fikir, le fikir, xa fikir
- oko: oko, le oko, xa oko
- sen: sen, le sen, xa sen
of, cel
[edit | edit source]- of Muncen cel Vina:
- Muncen → Vina
- of Vina cel Muncen:
- Muncen ← Vina
| 1 de mesi 5 (jaledin) | 2 de mesi 5 (nundin) | 3 de mesi 5 (jaxadin) | |
|---|---|---|---|
| eskri | Jonatan le eskri | Jonatan eskri | Jonatan xa eskri |
| fikir | Jonatan le fikir | Jonatan fikir | Jonatan xa fikir |
| oko | Jonatan le oko | Jonatan oko | Jonatan xa oko |
| sen | Jonatan le sen | Jonatan sen | Jonatan xa sen |
Lexilari
[edit | edit source]- cel
- de
- din
- fe
- hin
- ja·le·din (jaledin → nundin → jaxadin)
- ja·xa·din (jaledin → nundin → jaxadin)
- lama ↔ neo
- le
- mas
- multi
- neo ↔ lama
- nun·din (jaledin → nundin → jaxadin)
- of
- suki
- to
- turi
- xa
Am loga:
[edit | edit source]- c = ch
- cel: chel